سنة 1999 م في حي الزهور تحديدا في منطقة عمرو بن العاص سكان المنطقة صحيوا على صوت انفجار شديد جدا وقت أذان الفجر وبدأ الصراخ والناس كانت في حالة رعب ..!
الموضوع لم يكن طبيعي وفجأة يروا المنظر أن الحطام الخاص بالشقة كلها اللي من برا متكسرة ومخلوعة ومرمية تحت والأغرب كمان إن حتى الشبابيك والازاز اللي كانوا في الحطام دي مرميين بعيدا بتقريبا 50 متر وأكثر..
والمشكلة في الجدران نفسها الجدران كانت مخلوعة بدقة شديدة جدا طب ازاي وهي واقعة على الأرض قدامهم دا حتى مفيش طوبة واقعة ولا طوبة داخلة كأنها معمولة بمسطرة وبحرفية شديدة جدا.
المفروض لو حاجة زي كده حصلت يكون في أي آثار للنار أو أي آثار الحريق بس زي ما أنت شايف مفيش أي أثر لحريق ولا لنار .
وبرضو ازاي الحيطان من قوته الانفجار هتوقع كلها وتترمي بعيد وقاعدة الحمام اللي الانفجار كان عندها زي ما هي سليمة ما فيهاش ولا خدش وواقفة زي ما هي..
بس الناس اللي واقفة كانت هتنجن يعني سامعين الانفجار بودنهم وفعلا الحيطة ووقعت تحت ولكن الحمام من جوا وكل الحاجة اللي موجودة سليمة ومفيش أي أثر للانفجار..!
ده غير طبعا كلام الشهود واللي قال إنه في ناس منهم طلعوا ووجدوا إن كان فيه كوب مياه موجودة في الكومودينو اللي أوضة النوم والكوباية كانت زي ما هي متأثرتش ولا تزحزحت من مكانها طب ازاي ؟ محدش فاهم
على حسب كلام أهل المنطقة قالو أن صاحب شقة بورسعيد هو دجال وأنه قال لهم يعني إن هو بالصدفة حد أعطي له كتاب سحر وكان بيقرا فيه..!!
فضول
وأنه وهو بيقرأ في الكتاب ده راح محضر جن بالغلط ولسوء حظه بقى مقدرش يصرف الجني تاني..!
والجني ده مكنش عادي خالص وكان ناوي أن هو يأذيه بس الدجال حبسوا في الحمام وكمل قراءة عادي عشان الجن لا يأذيه..!
لحد ما آذان الفجر أذن فأول ما اذان الفجر بدأ الجني يتحر/ ق وعمل الانفجار الشديد اللي الناس سمعته في المنطقة والحيطة وقعت ..
الغريب إن الحكومة جاءت وصلحت شقة بورسعيد تاني يوم من غير ما تعلن السبب عن الانفجار بس بعد ما الشقة اتشطبت ورجعت زي الأول قرروا إنهم يقفلوها..!!!!
ساعتها اتقال إن هي مش بس اتقفلت بالباب والمفتاح لأ ده اتبني طوب مكان الباب بحيث تبقي حيطه ومحدش يقدر يدخل شقة العفاريت ببورسعيد.
الموضوع ساعتها كان عامل رعب شديد لدرجة إن المنطقة دي بالذات اشتهرت جدا كانت عامله كده بالضبط كأنها مزار سياحي من كتر ما الموضوع انتشر وناس كثير تكلمت عنه.
وكان في ناس بتيجي من محافظات بعيدة جدا مخصوص بس على عشان تشوف الشقة دي
حتى سواقين المكروباص كانوا عارفين المكان ده باسم شقة العفاريت ببورسعيد وكانوا بينادوا لو حد عاوز يركب للطريق ده..!
ولمدة أسبوعين ثلاثة كاملين بعد الحادث ده ما حصل كان في ناس فارشة عند المنطقة بلب وترمس وحاجات بتبيعها كأن فعلا هذا مولد مش مكان عادي..!